Sunday, April 13, 2008

دى مهزله-1


دلوقتى ياجماعة أحنا هننقل ليكم تفصيل الأجتماع الأسبوعى لمجلس قيادة الشياطين, الأجتماع كان هدفه مراجعة أنجازات كل فريق, ومتابعة أخر الأخبار بجانب مناقشة الخطط المستقبليه من أجل أفساد و تضليل بنى أدم ومساعدتهم فى دخول جهنم (أعوذ بالله)
الشيطان الكبير دلوقتى قاعد بيراجع مع الشياطين الصغيرين أبه هى أخر الأنجازات

بصوا ياجماعه, أحنا عندنا حاجات كتيير عايزين نتاقش فيها, بس خلينا نبتدى ألاول بأخر أخبار المدارس والجامعات, يعنى عايزين نشوف أيه هى أنجازتنا مع الشباب الصغير, هما دووول المهمين بالنسبة لينا, أحنا دورنا أننا نضللهم ونخليهم مينفعوش ببصله, وبعد كده هما هيكبروه ويوفروا علينا شغل كتير فقولولى أيه أخبار الأولاد فى المدارس الأول
أحم, هو أحنا عاملنا شغل كويس الفتره اللى فاتت, يعنى تقريبا دلوقتى كل الأولاد اللى فى المدارس مفيش حاجه مهمه بتشغلهم, يعنى, ممكن ألعاب, ماتشات كورة, دورى , دورى كاس , أهلى , زمالك والكلام ده
واللى بيعمل فيهم ناصح بنروح داخلين معاه داخله تانيه, سواء بقى نخليه يبتدى يصاحب على بنات أو أحتمال نذوقه فى طريق المخدرات شويه, يعنى مش بنغلب, المهم أنا عايز أكد لسيادتك أن كله تمام وأحنا ماشيين على الخطه مظبوط
ممممم, تمام تمام, لأ فعلا مجهود كويس, كده فعلا بعد عشر أو عشرين سنه الأولاد دوول هيبقوا هما اللى ماسكين الدنيا فهما هيقوموا بالواجب طيب عظيم , وأيه أخبار الجامعات, دوول مهمين برده, فين تقرير الشيطان اللى مسئول عن الجامعات
أبوه حضرتك أنا موجود هنا, أحنا عاملين شغل كويس برده فى الجامعات, بس يعنى برده الشباب مشغولين بالكورة وكأس أفريقيا, وأخير أزمة الحضرى, طبعا بجانب أننا بنحاول دايما أننا نزرع قيمة مصاحبة الولد للبنت أو البنت للولد عند كل الشباب

عظيم عظيم
بس هو أحنا عندنا مشكلة صغيرة
خييييييييير
هو فى مجموعة كده لسه طلعه مسمين نفسهم فريق حياة أو حاجه زى كده بيحولوا يخلوا الشباب يبقوا كويسين
ننننننننننننننننننننننننننننننننننعم
أيوه بس أطمئن حضرتك أحنا شاغلين عليهم من فتره, وكمان بنجيب خيره أجانب معانا عشان يساعدونا أننا نوقفهم خاااااالص
أنت بتقول أيه, أزاى يبقوا الناس دوول موجودين ومحدش يقولى, ده تهريج, فين الزفت اللى مسئول عن وسوست وتضليل شباب الكليه اللى فيها الناس دووول, خليه يجيى هنا حالا
حاااااااااااااضر, أنا هجيبه هنا دلوقتى

أيوه يافندم أنا جيبت
أيه يا أستاذ اللى أنا بسمعه ده نااااس عاملين فريق عشان يخلوا الشباب يبقوا أحسن , دى مهزله
يافندم أحنا بنحاول نعمل معاهم حاجات كتيير, بس للأسف مش بتنفع معاهم
أيه أخبار الشباب بتاع الفريق ده, كويسين كده وبيصلوا
أاااه
يادى النيلة, طيب البنات عندهم محجبات
أاااه
يانهاااااار مش فااااايت
طيب أنت عاملت أيه معاهم لحد دلوقتى
هما الشباب عندهم كانوا زمان بيصحوا بعض للفجر , بس دلوقتى فضلت وراااهم لحد مخلتهم ينسوا يصحوا بعض
مش كفاااااااايه يا أستاذ, ماهو ممكن كل واحد يكون بيصلى لوحده, أحنا لازم نشيل فكرة الفجر دى من دماغهم أساسا

حاااااضر
قلى أيه تااانى
من فتره كده قاعدنا نلعب على بعض الناس عندهم ونقنعه أنهم مش بيعملوا حاجه مفيده, وأن مفيش فايده وأنهم مهما عاملوا مش هيوصولوا لحاااجه,
كويس وبعدين
للأسف لقيناهم عملوا أجتماع كبييير , فكل الناس عرفت هما رايحين فين وبقوا متحمسين تانى
يااااااااخبر أسود
وأيه تانى, سماعنى سماعنى
هو أحنا اليومين دووول بنحاول نلعب معاهم لعبة جديده أننا نحاااا.....
لألألأ, خلاص أنت مش نافع معاهم مفيش منك فايده أنا هنقلك للفريق المسئول عن المدارس حاجه كده على قدك, أنا هخلى حد غيرك مسئول عن الناس دى, أنت مش عارف أيه اللى ممكن يحصل لو مجموعه زى كده كبرت, هيعملوا لينا كاااااارثه

10 comments:

Anonymous said...

هههههههههه جامدة جدااااااااااااا
ربنا يقوي فريق حياة و يلغي المخططات الشيطانية بتاعة عمو إبليس و شلته

Anonymous said...

زي ما في ابليس والشياطين اللي بتحاول تفرقكم في ناس بتحب الكليه والناس اللي فيهم وبتدعي ربنا يكرمكم جميعا وتجعلوا كليتنا اجمل واجمل بيكم وباللي بعديكم أن شاء الله .ومع اني مش بشارك في الاعمال الجميله اللي انتوا بتقوموا بيها بس فرحانه جدا لاسره حياه واللي ما شاء الله اثبتت نفسها منذ انشأها.يلا شدوا حيلكم وربنا يستخدمكم ولا يستبدلكم وادعولنا اني ربنا يستخدمنا نحن ايضا

ربنا يكرمكم أسره حياه

إمضاء
بردوا الغلس

Anonymous said...

إيه دا هو مفيش موضوعات جديدة ليه بس

دا أنا داخل مخصوص عشان أشوف الموضوعات الجديدة
;)

مش الغلس المرة دي
:D

Ahmed Nyazy said...

thanks everybody for your comments :)

for Not el 3`ales,
sorry i was busy shoya :)

Anonymous said...

Fenak ya nyazyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyy!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

Ahmed Nyazy said...

Egypt, Cairo ;)

Anonymous said...

ya salam :D mana 3araf ,mesh btkatab leih ,we miss your writing!!!!!!!!!!!!

Ahmed Nyazy said...

Soon isAllah :)

Shady Shrif an Egyptian Software engineer said...

تحففففففة بجد جزاكم الله خيرا

و عاوزين الجزء التاني

Ahmed Nyazy said...

after feast b2a isAllah :)