Sunday, April 6, 2008

أنت بتشترى رااجل ولا بتشترى شقه


كاااان فى شغلى السابق معظم (تقريبا كلهم) أصدقائى أكبر منى سنا, يعنى كانوا فى 24, 25 سنة أو أكبر, يعنى كان معظمهم على وش جواز :) فكان أحيانا تلقيهم بيتكلموا فى موضوع الخطوبه و الجواز بس كان اكتر موضوع بياخد جزء كبير من المناقشه هى التكاليف بتاعة الزواج وخاصة الشقه ده طبعا فى ظل الأرتفاع الشديد فى أسعار الحديد والبناء بشكل عام
المهم, كان فى مره من المرااات كان ليا واحد زميلى فى الشغل قرر أنه يخطب, وفعلا خطب الحمد لله وووزع شيكولاته وكله تمام, فكنا قاعدين نتكلم معاه ونتريق عليه (كنت ساعتها لسه مفكترتش فى موضوع الخطوبة بتاعتى) فبقالوا يامحمد أنت أيه نظامك بقى فى الشقة,
قاللى لأ لسه شويه
قالتوا يابنى طيب أنت قلت للناس أيه قالللى هما بيشتروا رااااجل ولا بشتروووا شقه
بصرااااحه مقدرتش أمسك نفسى من الضحك صحيح أنا رديت عليه وقلتلوا لأ طبعا بيشتروا شقه , بس الرد بيتاعه كان جامد جدا

بس فعليا أنت لو رووحت تقول لأبوا العروسة أنتوا بتشتروا شقه ولا بتشتروا رااااجل , هيرد عليك يقولك أنا بشترى عبد لبنتى (على رأى واحد صاحبى)
بجد أسعار الحاجات بقت غاليا, والكابتن أحمد عز ربنا يعمر بيته, مظبط الناس كلها فى أسعار الحديد وبالتالى أسعار الشقق كلها غالية, فى الوقت أن فى نااااس كتير بتغالى فى طلبتها, حقيقى فى الفتره اللى كنت قاعدتها فى كويكتيل كنت بسمع من الشباب كلام يموت من الضحك, هبقى أكتبه بعدين أن شاء الله

هو الحمد لله أنا محصلشى معايا أنى قبلت موقف زى دا لحد دلوقتى بس أنا بتكلم بشكل عام أن لازم يبقى فى تعاون بين جميع الأطراف عشان الدنيا تنفع تمشى غير كدا بقى, فتوقعوا أضرااااااب من الشباب عن الجواز والأتجاه للزواااج من الخارج حاجه كده ألمانى, يابانى ولا حتى صينى ;)
1

4 comments:

Anonymous said...

مش ملاحظ حاجه يا نيازي انك من ساعة ما خطبت انقطعت عن الكتابه ولم رجعت بردوا بتتكلم عن الخطوبة كتير
شكلك كدا عايز تعقدنا يا بني احنا عايزين ندخل دنيا

إمضاء
واحد غلس
:D

Ahmed Nyazy said...

هو أنا مش كنت بكتب الفترة اللى فاتت عشان كنت مشغوول شويه مش عشان حاجه تانية ;)
ثانيا هو أنا مش بتكلم عن الخطوبة بقدر ما بتكلم عن وضع بيعشوا الشباب المصرى(غفر الله لهم)

ثالثا وده الأهم. أنا مش عارف أيه اللى يعقد فى الموضوع, يعنى لو بتفكر تخطب ولا حاجه أنا أعرف واااااحد صديقى تحفه فى الموضوع ده, هيظبتلك الدنيا على طووووول
(كتير نصحته أنه يبعد عن الموضوع ده , عشان الناس فى الأخر غالبا مابتدعى عليه بس هو مش عايز, هبقى أكلمكوا عليه قريب أن شاء الله)
شكرا على غلاستك
:P

إذاعة القرآن الكريم من القاهرة said...

على فكره يا حاج نيازى
من أسباب غلاء الحديد أيضا ان الشركات العملاقة الخلاجية و القطرية وداماك ـ بدون ذكر أسامى الشركات والبلاد والعباد ـ وغيرها
سحبوا كل المهندسين المدني من السوق وسحبوا كل الحديد من السوق
فزادت الآسعار بالصاد
لأوكمان عز أفندى مانع الإستيراد مش بالقانون لأ بالغلاسة

امضاء المحقق كونان
يسعى دائما

Ahmed Nyazy said...

mmmm, waght nazer bardo8, bas ya3ni lwo el mohandeseen doool kano la2o forsa kwisa fi baldhom makonsh safero bara8,

for el basha Ahmed Aezz,
hwa 7adretek man3 el 2steraaad Baltaga mesh just 3`alasa,

Rabena yahedena wa yahede8