Tuesday, April 8, 2008

فى بيتنا مرااااهق


خير اللهم أجعله خير, صحيت النهارده الصبح على صوووت السيده المبجله أليسا, فى أغنيتها العاطفيه اللى بتغنيها فى شهرمارس لسنة 2006 (هى كانت بتتكلم على أخر الشتاء قبل اللى فات) المهم أنا مركزكتش فى الموضوع رغم أن كان الصوت عاااالى شوية, بس قلت عادى ممكن يكون فى محل مشغلها ولا حاجة, المهم روووحت أفطر وبعدين لقيت أعنية أخرى للسيده المبجله (برضه) أصاااله, فى أغنيتها العاطفيه اللى بتتكلم عن حرووف اللغه العربيه, قولت لأ بقى , أنا لازم أشوف فى أيه
مكدبتش خير وروووحت فااااتح الشباك, فجئت بولد ساكن فى العمارة اللى قدمنا ومشغل الأغااانى دى بصوووت عالى وواقف فى شرفة المنزل (بلكونه شقتهم يعنى للى ميعرفشى لغه عربية فصحى ;) ) طبعا الواااد أول ماشفنى دخل جرى :) على جوه وراااااح فاااصل التسجيل بعد شوية فللأسف معرفتش كان بيحاول يكلم مين ;) ... والله ياجماعة أنا ماكنتش مصدق نفسى الولد ده صغير أساسا أنا لسه فاااكر اليوم اللى أتولد فيه أساسا هو دلوقتى فى أعدادى تقريبا مش متأكد بالظبط يروووح مشغل أليسا وأصاله من دلوقتى طيب يستنى شوية لما يدخل ثانوى ولا حاجه
طبعا أنا بهزر يعنى هو طبعا اللى بيعملوا ده مش صح , هو أينعم فى فترة مراااااهقة بس المفروووض يبقى فى تحكم أكتر من كده من ولده وولدتة عشان يستغلوا كل طااااقته دى فى حاجه تفيد دينه وبلده ونفسة
على العموم هو دلوقتى مش مشغل حاااااجه خلاص, بس أنا متوقع أنى هسمع كم لا بأس به من الأغااانى العاطفيه فى الأيام القادمه ولله الأمر من قبل ومن بعد

3 comments:

Anonymous said...

طبعا ربنا يكرمك إنك عرضت المشكلة دي بس يا سلام لو بدأت وحليتها
أكيد إنت ليك دور مع الولد ده وغيره طبعا من الشباب لكن يا سلام لو انت خدت بإيده لو قربت له وحاولت تغير مسار تفكيره وتاخده معاك المسجد يااااااه تخيل هتعمل حاجة جميلة أد إيه
وأكيد إن شاء الله الولد ده هيحس بالفرق

Anonymous said...

خلي بالك يا نيازي كتر سماع الاغاني ديه
ممكن يسببلك حبها من غير ما تشعر
في ناس مجربة
(:
بس الواضح انك مش بتركب مواصلات
عشان لو بتركب مواصلات كان زمانك حفظت الاغاني اللي بتقول عليها خصوصا اليسا

ربنا يتوب علينا

إمضاء
واحد غلس بردوا

Ahmed Nyazy said...

والله يا أخ غلس (مش شتيمة والله :) )ربنا يستر, هو الحمد لله الولد الظاهر ربنا هداه ومش بقى شغل الأغانى دى دلوقتى, على العموم شكرا على النصيحة