نقطة ومن أول السطر

لا تعليق

2009-02-11T20:53:00.000-08:00

الشرطة في مصر تسعى لتحسين صورتها - ا ف

القاهرة - محرر لينك - فوجئ المواطنون في بعض احياء القاهرة بضباط شرطة يقومون بتوزيع الشيكولاتة عليهم في سابقة هي الأولى من نوعها.

وقالت صحيفة القدس العربي ان المواطنين البسطاء اندهشوا بشدة من هذه الخطوة التي لم يعتادوها من العناصر الأمنية.

وكانت وزارة الداخلية التي تحتفل في الخامس والعشرين من شهر يناير من كل عام بعيد الشرطة قد تعرضت للعديد من الإنتقادات حيث إحتلت المرتبة الأولى بين الهيئات الحكومية الأكثر تعرضاَ للنقد خاصة في صحف المعارضة والجرائد المستقلة.

أنا هو وأ نتوا هو لو مجتشى الدولة فرضت رسوم أو ضرائب جديدة علينا عشان تجمع حق الشكولاتة اللى وزعتها على النااااااس

ألا صحيح محدش عاااارف الشكولاتة كااااان نوعها أيه!!!:D

تعس عبد الدينار ، والدرهم

2009-02-10T10:38:00.000-08:00

الواحد بقالوا كتير مش بيكتب فى البلوج, لدرجة أنى حسيت أنه بيزيق من كتر الركنة لما جيت أفتحة النهارده ...
ماعلينا خلينا فى موضوعنا, النهاردة كنت عايز أتكلم شوية على اللى بيحصل فى مصر من تدهور الأقتصاد وخصوصا البورصة المصرية وده بسبب الأزمه الأقتصادية اللى بيشهدها العالم كله...
أنا بقالى فترة شغال فى شركة بتعمل برامج لتسهيل حركة التدول فى البورصة وعشان كدة ببقى قريب شوية من الحاجات اللى بتحصل, طبعا أنا عارف أن ممكن حد يقول أن البورصة حرام, وأن فى أراء فقهية بتقول أن فيها ربا واضح, هو أنا سألت فى الموضوع دهة وعندى معلومات لا بأس عن شيوخ نحسبهم على خير ولا نزكى على الله أحد, بس مش وقتها دلوقتى’ نبقى نتكلم فيها بعدين أن شاء الله
اللى بيحصل عندنا فى البورصة بقى هو أنهيار درامى زى ما الخبراء بيوصفوا
فتلاقى مثلا شركة كان السهم بتاعها ب 450 جنيه, دلوقتى نلاقية ب 100 جنيه بس...
يعنى بحسبه بسيطه لو كان واحد ليه 1000 سهم, يبقى دلوقتى هو خسر حوالى 350,000 ألف جنيه, وده فى الكام شهر اللى فاتوا
وتلاقى شركه تانيه السهم بتاعها كان ب 45 جنية , دلوقتى تلاقية ب 13 جنية, يعنى تقريبا نفس النسبة فى الخسارة مع أختلاف الفرق مابينهم
عشان كده ده بيفسر الحوادث اللى بنسمع عنها فى الأخبار , وأننا نلاقى واحد أنتحر وموت نفسه, ونلا واحد تانى قتل ولاده ومراته وبعد كده موت نفسه برضه, وكل ده عشان الخسارة الرهيبة اللى بيخسروها
فى الوقت ده الواحد ديما بيفتكر حديث الرسول صلى الله عليه وسلم

6188 - تعس عبد الدينار ، والدرهم ، والقطيفة ، والخميصة ، إن أعطي رضي ، وإن لم يعط لم يرض

الراوي: أبو هريرة المحدث: البخاري - المصدر: الجامع الصحيح - الصفحة أو الرقم: 6435
خلاصة الدرجة: [صحيح]

ملحوظة بس صغيرة, هو الواحد لو كان مكانهم مش عارف كان ممكن يعمل أيه , بس والله أعلم فى حدود مينفعشى حد يتعدها, يعنى مثلا أنه ينتحر أو يموت ولاده بس عشان خسر كل فلوسه, فهو كد خسر الدنيا, وكمان راااايح عشان يخسر الأخره

موقع الدرر السنية

2008-09-05T21:19:00.001-07:00

حصلت قبل كده أنك سمعت حديث عن الرسول صلى الله عليه وسلم وكنت عايز تتأكد من صحة الحديث بس ماكونتش عارف تعمل أيه

أنا شخصيا بتحصل معايا كتييير وخصوصا أن فى بعض الدعاة فى المساجد بيستشهدوا بأحاديث كتير ضعيفة وأحيانا موضوعة

المهم فى موقع أكثر من رائع أسمه الدرر السنية, الموقع بيتيح لك الأمكانية أنك تبحث عن أحاديث بأستخدام بعض كلمات منها وتكون نتيجة البحث ده كل الأحاديث اللى بتحتوى على الكلمات دى بأختلاف روايتها ومصدرها ومين هو المحدث

مش بس كده لأ كمان بيقولك أذا كان الحديث ده أذا كان صحيح أو ضعيف أو حسن ...ألخ

فمثلا لو حبينا ندور على حديث كلنا بنسمعه فى شهر رمضان وهو

82395 - يا أيها الناس قد أظلكم شهر عظيم مبارك ، شهر فيه ليلة خير من ألف شهر ، شهر جعل الله صيامه فريضة ، وقيامه ليله تطوعا ، ومن تقرب فيه بخصلة ، كان كمن أدى فريضة فيما سواء ، ومن أدى فريضة فيه كان كمن أدى سبعين فريضة فيما سواه وهو شهر الصبر والصبر ثوابه الجنة وشهر المواساة وشهر يزاد في رزق المؤمن فيه ، ومن فطر فيه صائما كان مغفرة لذنوبه ، وعتق رقبته من النار ، وكان له مثل أجره من غير أن ينقص من أجره شيء قالوا : يا رسول الله ليس كلنا يجد ما يفطر الصائم ؟ فقال رسول الله : يعطي الله هذا الثواب من فطر صائما على تمرة ، أو شربة ماء ، أو مذقة لبن ، وهو شهر أوله رحمة ، وأوسطه مغفرة وآخره عتق من النار ، من خفف عن مملوكه فيه غفر الله له ، وأعتقه من النار ، فاستكثروا فيه من أربع خصال : خصلتين ترضون بهما ربكم وخصلتين لا غناء بكم عنها . فأما الخصلتان اللتان لا غناء بكم عنهما فتسألون الله الجنة ، وتعوذون به من النار ، ومن سقى صائما سقاه الله من حوضي شربة لا يظمأ حتى يدخل الجنة

الراوي: سلمان الفارسي المحدث: الألباني - المصدر: ضعيف الترغيب - الصفحة أو الرقم: 589
خلاصة الدرجة: منكر

نلاقى أن الحديث منكر, ونلافى أن حتى فى الرويات الأخرى بها ضعف,
ممكن تدخل ودور بنفسك بقى :) وكده ملكشى حجه أنك تقول أو حتى تساعد فى نشر حديث عن الرسول صلى الله عليه وسلم من غير ما تتأكد من صحة الحديث
http://www.dorar.net/

وطبعا ياريت تساعد فى نشر الموقع من أجل عموم الفائده , كان نفسى أقولكم الدال على الخير كفاعله بس للأسف لما دورت على أصل الحديث لقيت فى ضعف برضه ;)

172113 - الدال على الخير كفاعله

الراوي: سهل بن سعد الساعدي المحدث: الذهبي - المصدر: ميزان الاعتدال - الصفحة أو الرقم: 3/237
خلاصة الدرجة: [فيه] عمران بن زيد قال ابن معين وأبو حاتم : يكتب حديثه ولا يحتج به

صرنا أمه تحتقرنا كل أرذال الأمم... لاتصدق ياعزيزي بالعروبه والقيم

2008-09-05T20:44:00.001-07:00

حاجز قلنديا (الضفة الغربية) (ا ف ب) - تمنت سلمى عبد الرحمن (43 عاما) لو كانت اكبر بسنتين بعدما منعها جندي اسرائيلي من الدخول الى مدينة القدس وتأدية صلاة الجمعة الاولى من رمضان في المسجد الاقصى لان عمرها لم يصل الى 45 عاما.

وكانت اسرائيل اعلنت الاربعاء انها ستسمح للنساء فوق 45 عاما والرجال فوق 50 عاما بالدخول الى القدس دون الحصول على تصريح خاص خلال شهر رمضان لتأدية صلاة الجمعة في المسجد الاقصى.

وقدمت سلمى من قريتها بيتا قرب نابلس مع والدتها الى حاجز قلنديا الذي يفصل شمال الضفة الغربية عن مدينة القدس لكن والدتها دخلت الى المدينة وبقيت سلمى عند الحاجز.

وقالت لوكالة فرانس برس "جئنا من قريتنا الى هنا عقب صلاة الفجر مباشرة ومنعني الجيش من الدخول لاني اقل من 45 بعامين فقط وتمنيت ان يكون عمري 45".

وجاءت سلمى ووالدتها ضمن قافلة من ثلاث حافلات وتمكن غالبية الذين اتوا معها من الدخول الى المدينة المقدسة لان اعمارهم فوق الحد المسموح.

وقالت سلمى "والدتي دخلت الى الاقصى وانا بقيت هنا انتظر منذ خمس ساعات ممكن ان انجح وان لم اتمكن ساعود مع باقي اهالي بلدتي الى منزلي".

وتمنع اسرائيل فلسطينيي الضفة الغربية وقطاع غزة من الدخول الى القدس الشرقية التي ضمتها في 1967 والى الاراضي الاسرائيلية بموجب الاغلاق الذي تفرضه منذ سنوات.

واحتشد مئات الفلسطينيين الراغبين في الدخول الى المدينة المقدسة لاداء صلاة الجمعة الاولى من شهر رمضان عند البوابة الرئيسية المؤدية الى موقع التفتيش.

ووقف جنديان اسرائيليان يتكلمان العربية بطلاقة مرددين عبر مكبر الصوت امام الحشد "النساء الاقل من 45 عاما عودوا للبيت والرجال اقل من 50 سنة ممنوع تدخل" لكن القليل منهم من كان ينفذ تعليمات الجنود.

وعلى بعد امتار قليلة وقف موظفان من الامم المتحدة يراقبان التدافع.

وحاول علان ابراهيم (49 عاما) الدخول اكثر من مرة حتى تمكن من ذلك في المرة الرابعة حينما سمح له احد الجنود بالمرور لكن هذا الحاج عاد لجلب زوجته فمنعه الجنود من الدخول مرة ثانية.

ووقف علان الذي قدم من قرية جلقموس قرب مدينة جنين ينظر الى الحاجز ويقلب حبات مسبحته بين اصابعه وزوجته تقف الى جانبه.

وقال " نجحت في المرور وجلست انتظر زوجتي في الداخل لكنها تأخرت وخرجت لجلبها لكنهم منعوني من العودة ثانية".

ويبلغ عمر زوجته 42 عاما وقال " لو ان عمر زوجتي الان فوق ال45 لتمكنا من الدخول والصلاة في الجمعة الاولى من رمضان".

ولم يدخل علان ولا زوجته مدينة القدس منذ عشر سنوات وقال انه سيحاول الدخول مجددا يوم الجمعة المقبلة وانه لن يتوقف عن المحاولة طوال شهر رمضان.

ويحاول الفلسطينيون كل عام في شهر رمضان الدخول الى القدس للصلاة في المسجد الاقصى خاصة يوم الجمعة.

وحاول محمد حسن (48 عاما) الذي يسكن مدينة رام الله القريبة من الحاجز الدخول ثماني مرات لكنه لم ينجح وبقي واقفا امام الحاجز وقال "اعتقد انه بعد عامين سيسمحون لي بالدخول لاني ساصبح حينها فوق الخمسين".

واضاف حسن "المشكلة ليست نحن الذين نسكن بالقرب من قلنديا المشكلة اولئك القادمون من مناطق شمال الضفة الغربية".

ورغم الاعلان المسبق عن اعمار المسموح لهم بالدخول الى مدينة القدس فان عصمت الحاج (34 عاما) قدم من مدينة جنين منذ ساعات الصباح الاولى.

وقال عصمت "قدمت العام الماضي ونجحت في الدخول الى القدس لذلك جئت اليوم لاحاول الدخول".

ورن جهاز الهاتف النقال الذي كان عصمت يحمله واذ بوالده البالغ 58 عاما من العمر يخبره بانه وصل الى المسجد الاقصى بسلام وان الشرطة الاسرائيلية تنتشر في كل مكان في شوارع المدينة ويطلب من ابنه الحذر كي لا يتم اعتقاله.

يقول الله تعالى: ﴿.. إن الله لايغير مابقوم حتى يغيروا مابأنفسهم وإذا أراد الله بقومٍ سوءً فلا مرد له ومالهم من دونه من والٍ ﴾[ الرعد:11

اللهم لاتؤاخذ أخوننا فى فلسطين بذنوبنا

دى مهزله-1

2008-04-13T13:44:00.000-07:00

دلوقتى ياجماعة أحنا هننقل ليكم تفصيل الأجتماع الأسبوعى لمجلس قيادة الشياطين, الأجتماع كان هدفه مراجعة أنجازات كل فريق, ومتابعة أخر الأخبار بجانب مناقشة الخطط المستقبليه من أجل أفساد و تضليل بنى أدم ومساعدتهم فى دخول جهنم (أعوذ بالله)
الشيطان الكبير دلوقتى قاعد بيراجع مع الشياطين الصغيرين أبه هى أخر الأنجازات

بصوا ياجماعه, أحنا عندنا حاجات كتيير عايزين نتاقش فيها, بس خلينا نبتدى ألاول بأخر أخبار المدارس والجامعات, يعنى عايزين نشوف أيه هى أنجازتنا مع الشباب الصغير, هما دووول المهمين بالنسبة لينا, أحنا دورنا أننا نضللهم ونخليهم مينفعوش ببصله, وبعد كده هما هيكبروه ويوفروا علينا شغل كتير فقولولى أيه أخبار الأولاد فى المدارس الأول
أحم, هو أحنا عاملنا شغل كويس الفتره اللى فاتت, يعنى تقريبا دلوقتى كل الأولاد اللى فى المدارس مفيش حاجه مهمه بتشغلهم, يعنى, ممكن ألعاب, ماتشات كورة, دورى , دورى كاس , أهلى , زمالك والكلام ده
واللى بيعمل فيهم ناصح بنروح داخلين معاه داخله تانيه, سواء بقى نخليه يبتدى يصاحب على بنات أو أحتمال نذوقه فى طريق المخدرات شويه, يعنى مش بنغلب, المهم أنا عايز أكد لسيادتك أن كله تمام وأحنا ماشيين على الخطه مظبوط
ممممم, تمام تمام, لأ فعلا مجهود كويس, كده فعلا بعد عشر أو عشرين سنه الأولاد دوول هيبقوا هما اللى ماسكين الدنيا فهما هيقوموا بالواجب طيب عظيم , وأيه أخبار الجامعات, دوول مهمين برده, فين تقرير الشيطان اللى مسئول عن الجامعات
أبوه حضرتك أنا موجود هنا, أحنا عاملين شغل كويس برده فى الجامعات, بس يعنى برده الشباب مشغولين بالكورة وكأس أفريقيا, وأخير أزمة الحضرى, طبعا بجانب أننا بنحاول دايما أننا نزرع قيمة مصاحبة الولد للبنت أو البنت للولد عند كل الشباب

عظيم عظيم
بس هو أحنا عندنا مشكلة صغيرة
خييييييييير
هو فى مجموعة كده لسه طلعه مسمين نفسهم فريق حياة أو حاجه زى كده بيحولوا يخلوا الشباب يبقوا كويسين
ننننننننننننننننننننننننننننننننننعم
أيوه بس أطمئن حضرتك أحنا شاغلين عليهم من فتره, وكمان بنجيب خيره أجانب معانا عشان يساعدونا أننا نوقفهم خاااااالص
أنت بتقول أيه, أزاى يبقوا الناس دوول موجودين ومحدش يقولى, ده تهريج, فين الزفت اللى مسئول عن وسوست وتضليل شباب الكليه اللى فيها الناس دووول, خليه يجيى هنا حالا
حاااااااااااااضر, أنا هجيبه هنا دلوقتى

أيوه يافندم أنا جيبت
أيه يا أستاذ اللى أنا بسمعه ده نااااس عاملين فريق عشان يخلوا الشباب يبقوا أحسن , دى مهزله
يافندم أحنا بنحاول نعمل معاهم حاجات كتيير, بس للأسف مش بتنفع معاهم
أيه أخبار الشباب بتاع الفريق ده, كويسين كده وبيصلوا
أاااه
يادى النيلة, طيب البنات عندهم محجبات
أاااه
يانهاااااار مش فااااايت
طيب أنت عاملت أيه معاهم لحد دلوقتى
هما الشباب عندهم كانوا زمان بيصحوا بعض للفجر , بس دلوقتى فضلت وراااهم لحد مخلتهم ينسوا يصحوا بعض
مش كفاااااااايه يا أستاذ, ماهو ممكن كل واحد يكون بيصلى لوحده, أحنا لازم نشيل فكرة الفجر دى من دماغهم أساسا

حاااااضر
قلى أيه تااانى
من فتره كده قاعدنا نلعب على بعض الناس عندهم ونقنعه أنهم مش بيعملوا حاجه مفيده, وأن مفيش فايده وأنهم مهما عاملوا مش هيوصولوا لحاااجه,
كويس وبعدين
للأسف لقيناهم عملوا أجتماع كبييير , فكل الناس عرفت هما رايحين فين وبقوا متحمسين تانى
يااااااااخبر أسود
وأيه تانى, سماعنى سماعنى
هو أحنا اليومين دووول بنحاول نلعب معاهم لعبة جديده أننا نحاااا.....
لألألأ, خلاص أنت مش نافع معاهم مفيش منك فايده أنا هنقلك للفريق المسئول عن المدارس حاجه كده على قدك, أنا هخلى حد غيرك مسئول عن الناس دى, أنت مش عارف أيه اللى ممكن يحصل لو مجموعه زى كده كبرت, هيعملوا لينا كاااااارثه

فى بيتنا مرااااهق

2008-04-08T02:52:00.000-07:00

خير اللهم أجعله خير, صحيت النهارده الصبح على صوووت السيده المبجله أليسا, فى أغنيتها العاطفيه اللى بتغنيها فى شهرمارس لسنة 2006 (هى كانت بتتكلم على أخر الشتاء قبل اللى فات) المهم أنا مركزكتش فى الموضوع رغم أن كان الصوت عاااالى شوية, بس قلت عادى ممكن يكون فى محل مشغلها ولا حاجة, المهم روووحت أفطر وبعدين لقيت أعنية أخرى للسيده المبجله (برضه) أصاااله, فى أغنيتها العاطفيه اللى بتتكلم عن حرووف اللغه العربيه, قولت لأ بقى , أنا لازم أشوف فى أيه
مكدبتش خير وروووحت فااااتح الشباك, فجئت بولد ساكن فى العمارة اللى قدمنا ومشغل الأغااانى دى بصوووت عالى وواقف فى شرفة المنزل (بلكونه شقتهم يعنى للى ميعرفشى لغه عربية فصحى ;) ) طبعا الواااد أول ماشفنى دخل جرى :) على جوه وراااااح فاااصل التسجيل بعد شوية فللأسف معرفتش كان بيحاول يكلم مين ;) ... والله ياجماعة أنا ماكنتش مصدق نفسى الولد ده صغير أساسا أنا لسه فاااكر اليوم اللى أتولد فيه أساسا هو دلوقتى فى أعدادى تقريبا مش متأكد بالظبط يروووح مشغل أليسا وأصاله من دلوقتى طيب يستنى شوية لما يدخل ثانوى ولا حاجه
طبعا أنا بهزر يعنى هو طبعا اللى بيعملوا ده مش صح , هو أينعم فى فترة مراااااهقة بس المفروووض يبقى فى تحكم أكتر من كده من ولده وولدتة عشان يستغلوا كل طااااقته دى فى حاجه تفيد دينه وبلده ونفسة
على العموم هو دلوقتى مش مشغل حاااااجه خلاص, بس أنا متوقع أنى هسمع كم لا بأس به من الأغااانى العاطفيه فى الأيام القادمه ولله الأمر من قبل ومن بعد

أنت بتشترى رااجل ولا بتشترى شقه

2008-04-06T11:14:00.000-07:00

كاااان فى شغلى السابق معظم (تقريبا كلهم) أصدقائى أكبر منى سنا, يعنى كانوا فى 24, 25 سنة أو أكبر, يعنى كان معظمهم على وش جواز :) فكان أحيانا تلقيهم بيتكلموا فى موضوع الخطوبه و الجواز بس كان اكتر موضوع بياخد جزء كبير من المناقشه هى التكاليف بتاعة الزواج وخاصة الشقه ده طبعا فى ظل الأرتفاع الشديد فى أسعار الحديد والبناء بشكل عام
المهم, كان فى مره من المرااات كان ليا واحد زميلى فى الشغل قرر أنه يخطب, وفعلا خطب الحمد لله وووزع شيكولاته وكله تمام, فكنا قاعدين نتكلم معاه ونتريق عليه (كنت ساعتها لسه مفكترتش فى موضوع الخطوبة بتاعتى) فبقالوا يامحمد أنت أيه نظامك بقى فى الشقة,
قاللى لأ لسه شويه
قالتوا يابنى طيب أنت قلت للناس أيه قالللى هما بيشتروا رااااجل ولا بشتروووا شقه
بصرااااحه مقدرتش أمسك نفسى من الضحك صحيح أنا رديت عليه وقلتلوا لأ طبعا بيشتروا شقه , بس الرد بيتاعه كان جامد جدا

بس فعليا أنت لو رووحت تقول لأبوا العروسة أنتوا بتشتروا شقه ولا بتشتروا رااااجل , هيرد عليك يقولك أنا بشترى عبد لبنتى (على رأى واحد صاحبى)
بجد أسعار الحاجات بقت غاليا, والكابتن أحمد عز ربنا يعمر بيته, مظبط الناس كلها فى أسعار الحديد وبالتالى أسعار الشقق كلها غالية, فى الوقت أن فى نااااس كتير بتغالى فى طلبتها, حقيقى فى الفتره اللى كنت قاعدتها فى كويكتيل كنت بسمع من الشباب كلام يموت من الضحك, هبقى أكتبه بعدين أن شاء الله

هو الحمد لله أنا محصلشى معايا أنى قبلت موقف زى دا لحد دلوقتى بس أنا بتكلم بشكل عام أن لازم يبقى فى تعاون بين جميع الأطراف عشان الدنيا تنفع تمشى غير كدا بقى, فتوقعوا أضرااااااب من الشباب عن الجواز والأتجاه للزواااج من الخارج حاجه كده ألمانى, يابانى ولا حتى صينى ;)
1

مصادر الدخل القومى

2008-04-06T04:04:00.000-07:00

من فترة كده كنت قرأت خير أن أمريكا ومجلس الأمن والأتحاد الأوربى وناس تااااااااانيه كده كتير كانوا بيضغطوا على كوريا الشمالية لوقف صناعة الصواريخ (طبعا صوااااريخ حربية مش الصواريخ اللى بيفرقعوها العيال فى رمضاااان), لأن فى الوقت ده تقريبا كانت كوريا بااااعت كام صروووخ كده تقريبا لأيراااان أو دوله تانيه مش فاكر مين

وكان تعليق كوريا على الأحداث دى, هو أنها مش هينفع توقف صناعة الصواريخ (ركز بقى فى الحته اللى جايه دى) لأنها بتعتبر مصدر رئيسى من مصارد الدخل القوووووومى لكوريا

خدت بااااالك من الرد بتاعهم, الناس بتقول أن تكنولوجيا صناعة الصوارررريخ هى جزء من الأقتصاد وهى اللى بتجيب دخل للبلد, فى الوقت اللى فى ناس تانيه بتعتمد أعتماد رئيسى على السياحه وديما شعاااار السياحه هى أهل البد وناسها هو الشعار الرئيسى بتاعهم

ياااااااجماعه أفهموها بقى, لو مكنشى عندنا حااااااجه بنعرف نعملها والناس بتحتجنا عشان أحنا أحسن ناس بنعمل الحاجه دى, مش هيبقى لينا لازمه وفى أى وقت هيداااااااس علينا, جميل أنك يبقى عندك سياحه (محترمة) بس مينعشى تكوووون هى عنصر أساسى فى الدخل القومى لأن ببساطه سهل أوى أن العنصر ده يضرب فى أى وقت من الأوقات وساعتها بقى مش هيبقى فى حاجه نعرف نعملها

البيت بيتك

2008-04-05T13:13:00.000-07:00

بقالنا كتيييير مشوفناش بعض ... مسلمناااااااااش على بعض

طبعا الأغنيه دى بقت مشهورة من فتره بسبب أنها بتيجى دايما فى برنامج البيت بيتك
برنامج البيت بيتك هو برنامج بيجى على القنوات الأرضيه والقناة الفضائيه المصريه بدعم من التلفزيون المصرى ووزارة الأعلام

على الرغم من كده بتلاقيه بيناقش قضايا ساخنة فى البلد, وأحيانا بيروجح جايب مسئولين عن بعد الخدمات فى الدوله ويروحوا غسلنهم كده على الهوا وقدام الناس

طبعا هتقولى , وأنت أيه اللى مزعلك من كده, أما بنى أدم غريب صحيح

هقولك يااااعم أنا مش زعلان, بس هى الفكره ماهو من الزمان أوى وفى مسئولين عفوا فى اللفظ بيستهبلوا, أشمعنا اليومين دوووول اللى بنعمل كده فيهم أيه حظهم وحش مثلا

بصوا أنا عندى وحهة نظر متواضعه فى الموضوع ده بس أنا مقتنع بيها اللى حد كبيييير
الموضوع أنا فى خلال الكام سنه الأخيرة كتييير من الناس بقى عنده طريقه سهله للوصول اللى القنوات الفضائية المختلفه خلال الأقمار الصناعيه
فتلاقى الناس تسمع على قناة الجزية مثلا , حصل فى مصر كذا وكذا وكذا. يروووح الواحد قالب على القناة الأرضية, يلاقى الناس بتقول كله تمام والأمن مستتب وكل شئ على مايرررررام

ده عمل أيه بقى, خل الناس متبقاش عندها ثقة بالتلفزيون المصرى, ومبقوش يتفرجوا عليه أصلا ألا فى ماتشات الكورة اللى مش مذاعة على الفضائيات, يعنى ببساطه لو الحكومة حبت تقووول أو تضحك على الناس بحاجه مش هتعرف, لأنهم مش هيعروفوا يوصللهم أساسا

فى الوقت ده بقى جيه البرنامج العظيم البيت بيتك, وبقى هدفه أعادة جذب الناس لمشاهدة التلفزيون المصرى تانى, ومفيش مانع عشان أعرف أعمل كده أنى أروووح جايب كام كبش فدا وروووح غاسلهم على الهوا (على فكرة مش لازم يكون بسابق ترتيب) وطبعا الشعب المصرى طيب جدا جدا وهيصدق
يعنى من الأخر أنا بعتبر برنامج البيت بيتك هو برنامج لتخدير الناس وبقترح يغيره أسمه لخدر بيتك :)

بس برضه عشان أبقى أمين هو ممكن ماكونشى أنا شايف جميع جوانب الموضوع, بس هى دى وجهة نظرى اللى ممكن تبقى صح أو غلط

أهى جت على دماغكوا

2008-04-04T16:20:00.000-07:00

عزيزى القارئ, طبعا لو أنت متابع للى بيحصل حوليك اليومين دووول هتبقى عارف أنى فى أضراااب عاام من مختلف القوى السياسيه (عدا الحزب الوطنى طبعا) بوم الأحد القادم وذلك أعتراضا على أرتفاع الأسعار وثبات المرتبات
هو أنا مش هنتناقش فى فكرة الأضراب نفسه وهل هو صح ولا غلط وهل المفروض نشارك فيه أو لأ, أنا عن نفسى يوم الأحد أنا بأخده أجازه فكدا كدا مش هخرج يعنى ;)

أنا بس عايز اناقش حاجه تانيه لفتت نظرى وانا بقرأ الأخبار المتعلقه بالأضراب ده, كان فى مقال على موقع مصراوى (على فكره المفروض أساسا مش ندخل على الموقع ده لأن صحبه كان عمال بيشتم فى المسلمين من كام شهر كده) كان بيقول أن أيمن نور هيشارك فى الأضراب هو كمان ليش من أجل مطالب خاصه ولكن من أجل المطالب العامه المتعلقه بالغلاء وثبات الأجور

برضه مش هى دى المشكله , لو كنت قرأت المقال هتلاقى فى أخر كام سطر كده مكتوب الكلام ده

"وأعلن ان عمال المحلة سيقومون بإضراب عام فى المحلة الكبرى في ذلك اليوم ليس لهم فحسب بل لكل الفئات والطبقات وان وشعارهم أصبح التغيير السياسى وليس مطالبة ببعض البدل وبعض الزيادة فى الأجور."

فاااااااكرين, الناس دووول كان من كام شهر كده معتصمين وعاملين أضراب برضه, كل اللى كانوا عايزينوه أن المرتبات والحوافظ تزيد شويه, وعملوا أضراااااب فتره, وكالعاده محدش سأل فيهم
رااااحوا عاملين أضرااااب تانى, بس كان لفتره أكبر , ساعتها بس الحكومة أستجابت ليهم وحققوا المطالب بتاعتهم
بس فى الوقت ده كانت الناس أتعلمت أزاى تعمل أضرااااب, أكتر من كده أن عمااااال المحله نفسهم دلوقتى بقوا بيمثلوا كتله, الأحزاب والقوى السياسيه بتستخدمها ضد الحكومه على الرغم أن كانت كل مشاكلهم ممكن تتحل ببساطه ومن غير أضراااااب ولا وجع دماااغ, شوفتوا بقى أهى جت على دماغكوا أزااااااااى

على فكره كده ظلم

2008-04-02T16:28:00.000-07:00

دلوقتى بقى ياجماااعه أنا هتكلم فى موضوع فعلا خانقنى, بصراحه فى حاجات كتير خنقانى, بس لو قعدنا نكتبهم كلهم مش هنخلص

بصوا زى ما أنتوا عارفين أنا بفضل الله خطبت من كام شهر كده
أيه يااااااعم أنت محسسنى أنها مفاجأه, خلاص أمة لا اله الا الله عرفت واللى حصل حصل
مش هى دى الفكره, الحمد لله أنا حطبت ومقتنع بخطبتى جدا وأعتقد برضه والله أعلم أنها مقتنعه بيه (هبقى أسأل فى الموضوع ده) والدنيا كويسه وأنا بحمد ربنا دايما أنى وفقنى وخطبتها وبدعيه ان يتم الباقى على خير
طبعا هتقولى أنت جى تحب هنا ولا أيه, هقولك أصبر بس متبقاش متسرع كده

الفكره كلها أنى عايز أقارن بين نموذج الناس اللى كانت بتخطب وتتجوز زمان ونموذج الناس اللى بتخطب وتتجوز اليومين دوول والمفروووض أحنا نبقى فين
زمااان فى عهد الرسول صلى الله عليه وسلم وفى عهد الصحابه والتابعين رضوان الله عليهم من بعده
كان بيجى الشاب كده, مالى مركزه, ويكلم أبو العروسه, يقولوا يا بمشهندس أنا فلان بن فلان من قبيلة فلان وعايز أتجوز بنتك
يروووح الراجل أبو العروسه منفذ الخطوات اللى قلنا عليها الأسلام من الرؤيا الشرعيه وخلافه وبعدين ياخد رأى البنت وتمام على كده
العريس يرووووح يجيب الخيمه ويعملها الباب المتين ويتوكل على الله ويقدم المهر, وأدلع ياعريس وأتمخترى ياعروسه وخلاص
كل الكلام ده ماعتقدشى أن يياخد وقت يذكر, أنا بصراحه معرفشى وقت محدد من خلال قريتى فى التاريخ والسيرة بس أنا أعتقد أنه كان فى الذيذ يعنى

يالا بقى نركب ألة الزمن ونروووح كده القرن الحادى والعشرين ونشوف ايه اللى بيحصل فيه
يجى الوااااد الغلبان لأبوا العروسه ويقولوا أنا عايز أتجوز بنتك, يقولوا يا أهلا يا أهلا
يابنى أحناااااااااااااا بنشترى راااااااااااجل
تمام طيب قدامك أد أيه, يعنى قدامى يجى 3 أو 4 سنين كده أكون جهزت نفسى,
طيب تمام مفيش مشكله, والواد يفضل داخل خارج مع البنت وكأنهم متجوزين بقالهم سنتين تلاته ولا حاجه مش لسه مخطوبين ويعدين يجى فى الأخر تحصل مشكله, هوووووووب ويسبها عشان محصلشى نصييييب, بص هو أنا مش عارف أحساس البنت بيبقى أيه ساعتها بس أكيد بيبقى أحساس بالدمار الشامل , حاجه كده زى قنبلة هيروشيما ونكزاكى بتاعة اليابان (طبعا ولا أنت عارف مين هيروشيما ولا نكازاكى ولا فين حتى اليابان دى أصلا)

المهم قصر الكلام, طبعا النموذج التانى ده مرفوووض لأنه على الرغم أن الشاب والبنت بيبقوا مبسوطبن فى الأول بس هو بيبقى ضد الشرع أصلا

نيجى بقى ونقووول طيب تمام يالا يا أولا تعالوا نخطب ونتجوز بس مش عايزين نغضب ربنا
جمييييييييييييييييييييييييييل
الشاب برضه يجرى يرووووح لأبوا العروسه ويقالوا ياعمى أنا عايز أتقدم لبنتك
والراجل يوافق و يشوف الشرع بيقول أيه وينفذه من رؤيا شرعيه وخلافه,
وبعدين نظرا لظرووووف الغلاء ولظروووف أخرى خارجيه يحصل أتفاق أن الخطويه هتعوووود حبه حلوييين كده يعنى سنه ولا سنتين

طبعا مش هينفع يكون زى النموذج الأولنى , لأن كان زمااان الواحد بيجيب خيمه أم باب متين ومهر وخلاص, لكن دلوقتى فى حاجه أسماها حديد عز وفى حاجه أسمها أن البنت بتدرس وفى وفى وفى وفى وفى من الأخر فى كل حاجه
وفى نفس الوقت مش هينفع النموذج التانى عشان هما بيعملوا أساسا حاجه مش صح
وتبتدى الرحله, الواااد يعينى يشوف البنت كل شهرين تلاته مره ولا حاجه وتكون المره دى 45 دقيقه زى ماتش كرة القدم, ده حتى ماتش كرة القدم على شوطين, طبعا فى علماء أجلاء بيحرموا الكلام فى التليفون, وطبعا لازم نضع رأيهم فى الأعتبار برضه, فيبقى مفيش كلام فى التليفون كمان,

بس ياسيدى فتلافى أنك فى النهايه طلعت بنموذج ثالث بس هو أكثر النماذج تضررا , شوفتوا بقى أنى كان عندى حق لما كتبت عنوان المقاله أن كده ظلم

على فكره الكلام اللى أنا كاتبه ده فعلا من واقع الحياة من تجاااااااااااااااااارب نااااااااس كتير من صحابى
وللحديث بقيه بعد جلسة الأستراحه ;)
1

أنا لو من أمريكا هضاعف كمية القمح لمصر

2008-04-02T16:16:00.000-07:00

طبعا العنوان يبدوا غريب جدا, أزاى يعنى أنت لو مكان الأداره الأمريكية هتزود كمية القمح المصدره لمصر على الرغم من كل المشاكل والمشاحنات اليومين دووووول
أقولك ياسيدى الموضوع مش غريب ولا حاجه, فعلا لو أمريكا بتفكر صح, يبقى المفروض تزود بل تضاعف كميات القمح اللى بتصدرها لمصر كل سنه,
بصوا هو أنا مش خبير أسترتيجى, ولا حتى هدعى أنى ملم بالجوانب السياسيه والأقتصاديه
بس العمليه بسيطه, أحنا زمان (اللى هو زمااان قوى يعنى) على حد علمى كان عندنا أنتاجيه من القمح تكفينا بل كنا ممكن نصدر منها, بس لم جت أمريكا وبدأت تصدر قمح بسعر أقل من التكلفه, كان الطبيعى أننا نبدل زراعة القمح بحاجه تانيه, مادام فى ناس (ولاد حلال) بيدونا القمح بتكلفة أقل من أننا نزرعه, ده حتى يبقى عبط لو زرعناه أحنا
أمريكا أو غيرها كسبة أيه بقى من حاجه زى كده, مع أن فى الظاهر أنها خسرانه
فى الواقع هى كسية حاجات كتير, صحيح مش لازم يبقى منها فلوس , بس فى حاجات كتير أهم من الفلوس
أولا هى نسفت زراعة القمح عندنا, وبقى الناتج المحلى لا يكفى للأستهلاك المحلى, فديما هنبقى معتمدين على القمح اللى جى من بره (طبعا مش لقمة عيشنا)
حاجه تانيه, أنها ممكن تبعتلنا قمح مغلف بمواد مسرطنه, والشعب طبعا بياكل ولا فى دماغه, فكده كمان ضمنت أن صحت الشعب راحت فوق البيعه
الحاجة التالته بقى, أن لو حصل ونشب أى خلاف أو حرب أول حاجه هتعملها أنها تمنع تصدير القمح, وزى ما أحنا متفقين أحنا الأنتاج عندنا خلاص أنتهى , وبالتالى هتبقى فى حرب فى البلد داخليه (على رغيف العيش) بجانب الحرب الخارجيه

طبعا مكاسب كبيره جدا, بس اللى حصل اليومين دووووول أن أصحاب الأفران بيبعوا الدقيق المدعم فى السوق السوده, وعشان كده ظهرت مشكلة رغيف العيش المشهوره, وده خلى ناس كتير تنتبه الى خطورة الموقف, عشان كده أنا بقول أن أمريكا المفروض تزود كميات القمح المصدره لينا عشان المسكله تتحل والناس تفضل عيشه فى مية البطيخ (مع الأعتذار للبطيخ طبعا) زى ماهيه

معلومة أخيرة, مش فاكر كان فى مؤتمر كده مش فاكر كان أمتى, المؤتمر ده كان فيه رئيس وزراء الصين أو الياب, وكانوا ريحين عشان يتفضوا على حاجه, أول كلمة قلها رئيس الوزراء ده كانت "نحنا لا نستورد حبة قمح من الخارج"

مش عارف بصرااااااااااااحة كان يقصد أيه ;)
1

كلام قهااوى

2008-04-02T16:02:00.001-07:00

بسم الله الرحمن الرحيم

سااااااعات كتير الواحد بيكون عايز يتكلم فة مواضيع خاصه بالواقع اللى حواليه, ممكن تبقى مواضيع سياسيه, أجتماعيه, أفتصاديه أو أى حاجه تانيه
أحيانا بتبقى حاجات مهمه وأحيانا تانيه بتبقى هايفه برده
أنا شخصيا كنت متعود أتكلم فى المواضيع (أو الموضوعات عشان محدش يزعل) مع صحابى أيام ماكان ليا صحااااب بعرف أقبالهم, بس طبعا مع تقدم السن طل واحد أنشغل بمشاكله فى الحباه, اللى عايز يغير شغله, واللى عايزيجيب عربيه, واللى عايز شقه يتجوز فيها واللى بيدور على عروسه واللى واللى واللى والنتيجه فى النهايه واحد صفر للأهلى قصدى النتيجه أننا مش بقنا نتقابل ونتكلم الككلام بتاع زمااان
عشان كد أنا قررت أنى أعمل المدونه دى عشان أكتب عليها الكلام اللى كنت بقولوه مع العيال صحابى, وقررت أنى أسميها كلام قهاوى
على فكره أنا مش من المحبين للجلوس على القهاوى (أو المقاهى) خاااالص , بس الفكره أن اللى هيبقى مكتوب على المدونه هنا هيبقى غير مراجع وغالبا باللغه العامبه طبعا أنسى حكاية لأنجليزى دى خاااااالص, كلام طالع من القلب كده على طوووول من الأخر كلام قهاوى